|
I MALÀN Da setåmbar dl'an pasè a son sempar stè amalè. À 'tachè con un po' ad fardôr e pò am vens al baticôr...
Am son un po' preocupè, parché al pols l'ira aumentè; un colp ad tòs e un starnud, am son amalè in un minud!
Al fug sègar in una spâla al s’è trasfurmé in d’la fivra zâla, e quand finalmént l’am pase vi am sèlta fora al mèl i pi!
La tarezia e la rogna, c'avé tant 'na gren vargogna che a tens tur parfén al partî ad schiver tòti al cumpagnî.
Al mèl cadò l'um salté a dos che i m'an truvé in fond a un fos. Du devot i m'an tôlt ad za e i m'an purtè infén a ca'.
Senza fer tant'armôr à io ciamè a ca' al dutôr. Figurev s'al tuché sò, l'é arivé c'al n'in psiva piò!
Apåna l'é arivé al m'à de sobet un'uciè e po al s'apogia contr'al mur, an saviva che parti tur!
Al sta lé un po' alibî e po al pensa ad scaper vî, ma al so zuramént agl'impòn ad curer la zént.
L'ira 'na brôta situazion, anca lo' an n'ira bon! Lo' da gran profesionesta 'na côsa acsé l'an fo mai vesta...
Perciò la morèl d'la fôla la sta in 'na cosa sôla: la véta senza mèl l'è bèla, toc e dai, la zirudèla.
Franco Boldrini |
I MALANNI Da settembre dell'anno passato sono sempre stato ammalato. Ho cominciato con un po' di raffreddore e poi mi è venuto il batticuore...
Mi sono un po' preoccupato, perché il polso era aumentato; un colpo di tosse e uno starnuto, mi sono ammalato in un minuto!
Il fuoco sacro in una spalla si è trasformato in febbre gialla, e quando finalmente passa via, mi viene fuori il male ai piedi!
L'itterizia e la rogna, avevo talmente tanta vergogna che ho dovuto prendere la decisione di interrompere ogni relazione.
Il male caduto mi è saltato addosso, tanto che mi hanno trovato in fondo a un fosso. Due brav'uomini mi hanno preso da là e mi hanno portato fino a casa.
Senza fare tanto rumore ho chiamato a casa il dottore. Figuratevi cosa ha preso a mano, è arrivato che non ne poteva più!
Appena è arrivato, mi ha dato subito un'occhiata e poi si appoggia contro al muro, non sapeva che cosa dire!
È rimasto lì un po' allibito e ha quasi pensato di scappare via, Ma il suo giuramento gli impone di curare la gente.
Era una brutta situazione, anche lui non era capace! Lui, gran professionista, una cosa così non l'aveva mai vista...
Perciò la morale della favola sta in una cosa sola: la vita senza mali è bella,toc e dai, la zirudella. |
Condividi
